Оны шилдэг бизнес эмэгтэйчүүд тодорлоо

Монголын эмэгтэйчүүдийн холбооноос ТВ5 телевиз болон “Монголжингоо” сонинтой хамтран Монгол Улсын шилдэг бизнес эмэгтэй шалгаруулах ёслолын ажиллагааг хоёр дахь жилдээ зохион байгууллаа.

Бизнесийн салбарт ажил үйлсээрээ тэргүүлж яваа бүсгүйчүүдийн хөдөлмөрийг үнэлж, олонд сурталчлан, үлгэр дууриал болгох зорилготой уг арга хэмжээ нь Монголын шилдэг бизнес эмэгтэйг тэргүүлж, удирдаж байгаа компанийнх нь татвар төлөлтийн байдал, улсын эдийн засагт оруулсан хувь нэмэр, тухайн салбартаа хийсэн томоохон алхмууд болон олон нийтийн санал асуулгыг үндэслэн шалгаруулдаг ажээ.

Харин энэ оны шилдэг бизнес эмэгтэйчүүдээр “Монполимет” компанийн ерөнхий захирал Ц.Гарамжав, АПУ компанийн захирал П.Батчимэг тэргүүтэй арван нэгэн бизнес бүсгүй тодорсон байна.