|
Дэлхийн хамгийн өндөр барилга
 Дэлхий дээрх хамгийн өндөр барилга хаана байдгийг мэдэх үү? 101 давхартай “Taipei 101 Tower” гэж нэрлэгддэг дэлхийн хамгийн өндөр барилга мэдээж Тайваний нийслэл Тайпэйд байдаг. “Taipei 101 Tower”-ийн экстерьер, интерьерийн аль алинд Хятадын эртний Буддын шашны сүм хийдүүд болон уламжлалт уран барилгын архитектурын онцлог шингэсэн байна. Түүнчлэн барилгын ерөнхий хэв загвар нь Хятад үндэстний сайн сайхан амьдралын бэлгэдэл болсон хулсан цэцгийн /bamboo/ хэлбэрийг санагдуулна. Барилгын ерөнхий экстерьер нь хулсны ишээс санаа аван хийсэн найман таслагдсан хэсэгтэй. Найман давхарга хэсэгтэй байхыг архитекторууд зүгээр ч нэг санаандгүйгээр шийдээгүй бөгөөд энэ нь хятадууд наймын тоог бэлгэшээдэгтэй холбоотой аж.
2004 онд “C.Y. Lee and Partner” барилгын төсөл хэрэгжүүлэгчдийн барьсан “Taipei 101 Tower” нь 509 метр өндөр, 198,347 m2 талбайтай. Энэхүү барилга баригдахаас өмнө дэлхийн хамгийн өндөр барилгын жагсаалтыг Малайзийн нийслэл Kuala Lumpur дахь Petronas Twin Towers /452 метр/ тэргүүлдэг байсан. “Taipei 101 Tower”-ийн машины зогсоол талбай гэхэд л 2000 орчим машин элбэг багтах зайтай аж. Гэхдээ тэнгэрийн хязгаар гэж үгүй тул дэлхийн хамгийн өндөр барилгын жагсаалт жил жилээр л уртсах нь мэдээж. Одоо Тайваний “Taipei 101 Tower” хамгийн тэнгэр баганадсан өндөр барилга гэсэн хүндтэй нэрийг зүүхэд ердөө л жил гаруйн хугацаа үлджээ. Учир нь Өмнөд Солонгосын Сөүл хотод 130 давхартай, 580 метрийн өндөртэй “International Business Center” нэртэй барилгын аварга том цогцолбор 2008 онд бүрэн ашиглалтанд орохоор баригдаж эхлээд байна. Үүнтэй уралдан 2008 онд Арабын нэгдсэн Эмиратын нийслэл Дубай хотноо 160 орчим давхартай, 800 метр өндөр “Burj Dubai” нэртэй барилга сүндэрлэн босч дэлхийн хамгийн өндөр барилга гэсэн эрхэм нэрийг зүүх бололтой. Уг барилгын архитекторууд 800 метр барилгын хажууд өрсөлдөгчид нь дэндүү нам харагдах болно гэж бардамнаж байгаа аж.
|
Сэтгэл зүй
Та стрессийг удирдан жолоодох урлагийн талаар хэр мэдэх вэ. Та стрессээ одоо байгаагаас нь100 хувь хүртэл ихэсгэж чадах уу. Таны бие цоо эрүүл, ажил үйлс тань бүтэмжтэй, бүх зүйл тайван байгаа нөхцөлд шүү дээ. Тэгвэл оролдоод үз.
|
|
|
|
Сэтгэл зүй
“Хайртай хүн чинь стресст орсон үед, хэзээ ч түүнээсээ холдож болохгүй” гэж сэтгэл судлаач Сара Нейш ярьж байна.
|
|
|
|
Харилцаа
Та хоёр нөхөр нь архи ууж ирээд гэртээ агсам тавилаа, эсхүл нэгэндээ уурлаад муухай үг хэллээ гэсэн ялихгүй зүйлээс болоод салахаар шийдсэн юм биш биз.
|
|
|
|
Сэрээ мэндэлсэн нь
Өдөр тутам хооллохдоо бидний тогтмол хэрэглэдэг хоолны гурвал хэрэгслээс хамгийн залуу нь сэрээ. Чулуун хутга, шавар халбага зэрэг нь чулуун зэвсгийн үеэс хэрэглэгдэж ирсэн бол хоолны сэрээний тухайд гэвэл XI зууны сүүлчээс л Европт гарчээ.
|
|
|
|
ХЭЛЭЭ ҮЗҮҮЛ
Шинжлэх ухааны хэллэгээр, хэл бол бидний химийн шинжилгээний гол багаж. Ус, шүлсэнд ууссан бодис хэл болон амны хөндийн амтны булдруунд шингэн тодорхой дохиог мэдрэлийн судлаар дамжуулан тархинд хүргэдэг байна.
|
|
|
|
Дэлхийн хамгийн өндөр барилга
Дэлхий дээрх хамгийн өндөр барилга хаана байдгийг мэдэх үү? 101 давхартай “Taipei 101 Tower” гэж нэрлэгддэг дэлхийн хамгийн өндөр барилга мэдээж Тайваний нийслэл Тайпэйд байдаг.
|
|
|
|
ЭМЭГТЭЙЧҮҮД хэнийг хүсдэг гээч
Олон зууны тэртээгээс хүүхнүүд ямар эрэгтэй хүнд татагддагийг мэдэх гэж эрчүүд мэрийсээр ирсэн. Чи царай зүс, бие хаагаараа хэнд ч гологдохгүй.
|
|
|
Аптаун сэтгүүл © 2008 он. “Uptown” сэтгүүл дээр хэвлэгдэн нийтлэгдсэн өгүүллэг, зураг, реклам, бусад материалыг редакцийн албан ёсны зөвшөөрөлгүйгээр бүрэн ба хэсэгчилсэн хэлбэрээр дахин нийтлэхийг хатуу хориглоно. Сэтгүүлд нийтлэгдсэн реклам, зар сурталчилгааны үнэн бодит байдлыг редакци хариуцахгүй болно. “Uptown” сэтгүүлийн нэрийг зөвхөн “Wisdom” хэвлэлийн агентлаг эзэмших эрхтэй.
Вэб сайтын хөгжүүлэлтийг Infinite Solutions ХХК
|
|
Ачааллаж байна...